Shkenca e Kompjuterit

Zhvillohet kabllo neural për transferin e shënimeve nga dhe në tru

Kabllo i ndërtuar nga neuronet një ditë mund të përdoret për transferin e "shënimeve" nga kompjuteri në tru të njeriut. Një kabllo e tillë është zhvilluar në University of Pennsylvania në SHBA. Hulumtuesit janë të mendimit se një teknologji e tillë mund të ndihmon personave të cilët kanë humbur gjymtyrë për ta kontrolluar gjymtyren prostetike.

Mendimi pas këtij hulumtimi është se neuronet janë më të gatshme për tu lidhur me neurone tjera, si për shembull me trurin e njeriut.

Në 2001, ekipi hulumtues arriti ta zhvillon një metodë përmes të cilës fijet neurale janë kultivuar duke i tërhjekur grupet e neuroneve. Gjatësia e fijeve të tilla arriste deri në 10 cm. Fijet e tilla janë përdor deri tani për regjenerimin e nervave të dëmtuar në gjymtyrë.

Kabllo neural është prodhuar në mënyrë të ngjajshme. Grupet e neuroneve janë kultivuar mbi 96 elektroda të mbuluara me protein për të cilin neuronet kapen. Kur neuronet dhe elektrodat vendosen në largësi prej 100 mikrona, qelizat fillojnë të rriten në drejtim të proteinit, duke krijuar kështu lidhje neurale.

Me tërhjekjen graduale të dy pllakave (një të neuroneve dhe tjetra e elektrodave), fijet neurale vazhdojnë të rriten në distance e posa krijuar. Rritja shkon deri në 1 cm në ditë.

Doug Smith, krye hulumtuesi, thotë se "pjesen e lirë do ta përdorim për lidhje me tru, ndërsa atë tjetren për lidhje me kompjuter". Testet të cilat kanë konfirmuar se sinjalet elektrike mund të mbarten në të dy drejtimet në kabllo ishin të suksesshme. Smith tani pret ta mbart testin në shtazë.

Qëllimi kryesor për përdorimin e neuroneve dhe jo të materialeve jo-biologjike është rezistenca e organizmit, e sidomos të neuroneve, ndaj metalit apo gjërave të ngjajshme.

Pajisja për matje precize mbi harkun e violinës


Një studente post-diplomike në MIT ka krijuar një pajisje elektrike e cila mund të bën matjet precize të pozitës, përshpejtimit dhe shtypjes së harkut të violinës. Diana Young, kandidate për Doktoraturë në Massachusetts Institute of Technology, pohon se sistemi mund të përdoret për vlerësimin e teknikave të ndryshme të harkimit në violinë që mund të përmirëson të shprehurit muzikor.

Pajisja është ndërtuar nga harku fiber-karbonik komercial. Matjet janë bërë duke përdorur fushën elektromagnetike dhe duke e "kapur" atë.

Pajisja është ndërtuar gjatë studimit të saj për Master në MIT në vitin 2001.

Çipi hibrid ku molekulat i ruajn bit-at


Një nga teknologjitë më premtuese për zëvendësimin e elektronikës tradicionale është ajo hibride. Qarqet e integruara hibride përbëhen nga kombinimi i disa llojeve të teknologjive si: mikro, nano dhe molekulare. Megjithëse kjo fushë e studimit është ende në fazat fillestare, një metodë e re tregon rrezultate premtuese. Kjo metodë lejon vendosjen e 100 miliard bitave për centimetër katror.

Hulumtuesit Italian, Gianfranco Cerofolini dhe Danilo Mascolo nga STMicroelectronics, kanë analizuar gjendjen e tanishme të teknologjive të nevojitura duke arritur tek një zgjidhje e cila lejon prodhimin në shkallë të lartë të çipave hibrid. Metoda e tyre e prodhimit fillon me një pajisje mikroelektirke të silikonit, që e kontrollon një nanoshufër në të cilën çdo vend-takim përmban deri më 10,000 molekula. Këto molekula individuale e luajn rolin e pajisjeve memorike mbasi që mund të kalojnë në dy gjendje (duke i koduar bitat). Molekula ka aftësi ta kap një elektron duke e ruajtur gjendjen dhe duke e "ndalur shkrimin". "Fshierja" e informatës bëhet duke e lëshuar elektronin përmes "tunelimit elektronik". Tunelimi elektronik është efekt i mekanikës kuantike. Tunelimi i lejon elektronit ta ndryshon pozitën pa kaluar në hapësirën mes pikës A dhe B.

Një nga sfidat më të mëdha për ekipin hulumtues janë çmimi i prodhimit dhe shkalla.